Pastel de berenxena e porro

Ingredientes:

Salsa de tomate (feita con tomates maduros, un allo e albahaca).
Berenxenas (4 ou 5 pequenas).
Porros (2).
Cebola (media).
Allo (2 dentes).
Ovos (4 ou 5).
Xamón ou touciño ao gusto.
Queixo para gratinar.

Póchase media cebola cos porros e engádense as berenxenas ata que estén listas.
Por outra parte, tense preparada salsa de tomate.
Póñense os allos nunha sartén e dóranse.
Engádese xamón en cachiños, engádeselle as berenxenas, o porro e faise moi despacio, para coller o gusto do allo e o xamón.
Bátense 4 ou 5 ovos e mixtúranse coas verduras e engádeselle unhas culleradas de tomate.
A esta mixtura engádese pementa, albahaca e pirixil, ao gusto.
Métese todo no forno e ponse unha xenerosa capa de queixo por riba.

Tarta de crema de marmelo

Esta tarta é apta para celíacos e, de paso, para todas aquelas persoas que prefiran non sobrecargar nin o seu peso nin o seu estómago sen perder o placer do gusto. Ademais, é moi sinxela de facer.

INGREDIENTES

- Un paquete de galletas sen gluten.

- Leite de avelá ou améndoa ou de soia.

- Azucre moreno.

- Canela.

- Sésamo.

- Avelas ou noces para adornar.

- Comporta de marmelo.

Nun molde de forno póñense as galletas (mellor dúas capas).

Quéntase medio vaso de leite e engádenselle dúas culleradas de azucre e espolvoréase xenerosamente con canela. Revólvese e vértese sobre as galletas, empapándoas ben, e esmágase un pouco.

Sobre esta base, exténdese a compota ou marmelada de marmelos, que se fai con catro marmelos limpios de pel, cortados en cachos pequenos e deixándoos cocer con dúas culleradas de azucre morena revolvendo forte (uns 20 minutos, segundo a madurez da froita).

Sobre a compota espolvoréase o sésamo e o azucre e adórnase con noces e vaelás.

Métese todo no forno gratinando un cuarto de hora a 250 graos.

Ensalada de remolacha e rúcula

Cócense unha ou dúas remolachas unha ou dúas horas, coa metade das súas raíces e rabos de follas para que non perdan cor.

Cando arrefría, trocéase e engádeselle rúcula, unha presada de noces, queixo fresco e tomates cherry. 

Engádeselle, un pouco batido, aceite de oliva virxe mixturado con sal e vinagre de Módena.

No momento de servir, engádense pétalos de caléndula e flores enteiras de capuchina, de sabor suave e lixeiramente picante coma a pementa e con importantes propiedades para a saúde.

Outras receitas da xornada gastronómica de outono na horta

Tortilla de berenxenas con tomate.

Garabanzos con chourizo.

Puding de porros e berenxenas.

Arroz con verduras da horta

O arroz elixido foi un arroz integral (facultativo).

Cócese o arroz en abundante auga o tempo que precise o tipo de arroz. Neste caso, corenta minutos a lume lento, tapado e con sal. 

Cólase o arroz e resérvase.

Pícanse as verduras e vanse incorporando nunha sartén ampla, por esta orde: cebola, allo, porro, pimento verde e vermello. Déixanse pochar un chisco e despois incorpóranse: cenouras, berenxena, acelgas coas súas pencas cortadas miúdo e abundante pirixil. Déixase dun cuarto de hora a vinte minutos dándolles voltas de cando en vez.

Pásase a incorporar o arroz, que se saltea coas verduras.

Engádeselle un pouco de paprika ao gusto e tamén se lle pode engadir un pouco de comino. Corríxese de sal. 

As verduras poden variar segundo gustos e tempada.

Entrantes de "insectos"

Trátase de poñer un chisco de imaxinación e preparar unhas visuais bandexas de canapás de bichos.

Sobre unha base de pan torrado, exténdese queixo de untar; sobre este, pode agregarse unha loncha de salmón afumado e logo, para facer os diferentes insectos: tomates cherry, aceitunas...

Para os caracois pode usarse salmón e unha loncha de queixo.

Os ovos están recheos da súa propia xema e con maionesa e paus de caragexo. Para preparar a forma de arañas, úsanse olivas negras.

Tarta de marmelada de "chayota"

INGREDIENTES
- Masa de hoxaldre.
- Crema pasteleira.
- Marmelada de chayota (mazá ou outra froita)

PREPARACIÓN
Untar un molde con manteiga, colocar nel a masa de hoxaldre e sobre ela a crema pasteleira. Para rematar, superpoñer a marmelada e cocer a tarta.

Queixo fresco caseiro

* Manola da Venta, de Neiras, explicounos paso a paso como facer queixo na casa. Fixémolo durante a xornada "Pan e Queixo" que organizamos en febreiro de 2013. Deixámosvos a explicación de como se fai paso a paso.

Precísase entre un litro e dous litros de leite cortado (déixase cortar por si mesmo ou, para acelerar o proceso, pode botárselle un iogur natural).

A parte, férvese entre 5 e 6 litros de leite. Cando comeza a ferver, cando comeza a espumar, sácase do lume e bótaselle o leite cortado. 

Déixase arrefriar un pouco todo.

Logo, escórrese, para separar o soro da mixtura, á que se lle bota unha culleriña de sal. Esta mixtura bátese (coa man ou coa batidora).

Esta mixtura ponse a escorrer, dispoñendo un trapo sobre unha escorredeira (por exemplo, a típica de escorrer os macarróns). Déixase escorrer tapado durante 2 días e a partir de aí consérvase no frigorífico ou lugar fresco, pois non leva conservante algún.

O resultado é un queixo fresco moi cremoso e saboroso.

Buñuelos de grelos, espinacas...

Ingredientes:

- Unha presa de grelos ou espinacas

- Un ovo

- Leite

- Fariña

- Un chisco de sal

Preparación:

Cócese a verdura escollida nun pouco de auga con sal.

Escórrese e resérvase.

Nunha cunca, bátese un ovo cun chisco de sal e engádeselle 1/4 l de leite aproximadamente e espésase ben coa fariña.

Unha vez feita a pasta, engádese a verdura troceada moi fina (pódese refogar cun pouco de allo, ao gusto).

Nunha tixola, ponse abundante aceite e cando esté ben quente vértese a mixtura en pequenas culleradas.

Unha vez voltedada e frita, déixase escorrer nunha servilleta e xa está lista para comer.

Crema de alcachofas

Enviada por Teresa Grau.

Ingredientes:

Con 4 ou 5 alcachofas é suficiente. 

Unha cebola ou un puerro.

4 patacas.

Aceite de oliva.

Elaboración:

Póchase a cebola ou o puerro, e logo engádenselle as alcachofas partidas á metade (esas metades teranse frotado previamente con limón para que non escurezan). Engádense as patatas e agua.

Se vos senta ben o leite, ponse leite ao remate para engadir auga antes de batilo; ou ben engadir nata, que suavizará a crema e lle dará un punto cremoso. 

Salpiméntase antes de pasalo pola batidora. Se non é a súper Termomix, vólvese pasar polo pasapurés, por causa fos fíos das alcachofas.

Tomate aliñado

Este tomate colle o seu mellor sabor preparándoo cos tomates que teñamos gardados conxelados enteiros, que poden usarse de moitos xeitos.

Desconxelados os tomates, sepáranse das súas peles e nun recipiente fondo engádese cebola moi fina, un pouco de allo fileteado moi fino, ourego e aceitunas verdes e negras, sal, vinagre balsámico, un bon aceite e logo esmágase un pouco e déixase repousar.

Con este preparado, podemos:

- engadilo a leitugas e escarolas.

- quentalo un pouco sen que coza e usalo para acompañar pasta, engadindo queixo tamén, ao estilo napolitano.

- para pizzas (sen aceitunas); engadíndolle posciutto xa temos unha auténtica Margarita.

- engadíndolle ovo cocido e atún, como salsa con macarróns ou para cuscús en ensalada fría.

- para untar no pan.

Crema de cabaza e cabaciño

Algo un pouco máis interesante cá unha crema de cabaza.

O simple puré de cabaza, podemos facelo deste xeito, con estes ingredientes:

- cebola, un pouco pochada en aceite.

- un pouco de cabaciño.

- cenouras

- unha ou dúas patacas

- unha pizca de paprika en pó

- en lugar da auga, pode engadírselle caldo de polo ou de galiña feito na casa

Cócese e bátese todo ben e, no momento de ir á mesa, acompáñase cunha mixtura de pipas de cabaza e sésamo douradas no sartén, o cal se pode poñer nunha cunca.

Tamén se pode sobre o puré servido no prato, botar as pipas en círculos concéntricos e rodealos cun chorriño de aceite de oliva virxe.

Tarta de cabaza

Ingredientes:

Pasta de hoxaldre

800 gr. de cabaza cocida e ben escorrida 

125 gr. de fariña

1 sobre "royal"

325 gr. de azucre 

3 ovos

2 sobres de "flan el niño" (non leva azucre)

1 culleradiña de café de canela

4 culleradas sopeiras de aceite de xirasol

Elaboración:

Ferver a cabaza uns 20 minutos, esmagar co garfo e escorrer (deixala toda unha tarde ou mellor toda unha noite nun coador).

Poñer nun molde redondo de 32 cm de diámetro a pasta de hoxaldre e pinchar cun garfo.

Nun recipiente, poñer todos os ingredientes: cabaza, fariña, royal, azucre, ovos, flan, canela e aceite.

Mixturar todo coas variñas. 
Co forno xa previamente quente, verter a preparación no molde e enfornar; deixar 25 minutos. Baixarlle lume ao forno e deixar 20 minutos máis.

Sacar e espolvorear azúcar glass e canela ao gusto.

Cabelo de anxo

A cabaza coa que se elabora o cabelo de anxo chámase "cidra”.

Ingredientes:

1 cidra (cabaza)

Azúcar

Limón (opcional)

Elaboración:

Clavar a cabaza cun coitelo para que ao cocela non estoupe na pota.

Poñela a cocer en auga abundante e medio limón (opcional) durante máis de unha hora; non importa pasarse de tempo.

Sacala da pota, abrila e deixala escorrer.

Sacarlle as frebas con axuda dunha culler e eliminar as sementes.

Pasar as frebas por auga e deixar escorrer de novo.

Poñer unha pota co azucre que lle corresponda (medio kg de azúcar por cada kg de frebas de cabaza ou máis para maior dozura).

Engadir as frebas de cabaza e remover.

Deixar cocer removendo de cando en vez para que non se queime; agardar a que colla unha cor dourada. 

Consérvase uns días no frigorífico e pode conxelarse.

Mermelada de pementos

Ingredientes:

1 kg de pementos

750 gr de azucre

1 pizca de sal 

Elaboración:

Picar os pementos moi finamente, a poder ser con picadora, e poñer nunha paelleira ou sartén fonda sen nada (nin auga nin aceite) a lume lento durante 1 hora. 

Botarlle unha pizca de sal e o azucre.

Remover ata que o azucre se derrita.

Deixar arrefriar e encher os tarros.

Cocer a baño maría durante 20 minutos.

Ideal para acompañar canapés con queixo de cabra.

[receita] Rosca

Continuando coa actividade Pan&Queixo, irémosvos deixando por aquí distintas receitas e comentarios en torno á elaboración tradicional do pan e do queixo.

Hoxe toca a vixiga ou tripón.

 

Receita de Pilar Pérez, nacida en Barantes, que vive no Outeiro de Bolmente.

NOTA - Ter a receita da rosca tradicional non é garantía de que saia ben: cómpre praticar moito e coller o punto ao amasado, levedado e enfornado. Non deixedes de experimentar, mais tampouco de mercar as roscas ás afamadas rosqueiras e rosqueiros de Sober, especialmente de Millán, parroquia rosqueira por excelencia. Na XXXIII Feira do Viño de Sober, o 23 e 24 de abril.

INGREDIENTES
(para 3 kg de fariña)

- 3 kg de fariña
- 1 kg de azucre (sabor bastante dóce; reducir azucre ao gusto)
- 3 culleradas de sal (unha cullerada tamaño café por cada kg de fariña)
- 1,5 l de auga morna (1,5 l de auga por cada 3 kg de fariña aprox)
- un dadiño de levadura fresca
- 9 ovos (3 ovos por cada kg de fariña)
- azafrán en rama e colorante ao gusto (o azafrán en rama é o que dá o toque de sabor distintivo da rosca)

MODO DE FACER AS ROSCAS

1 - Disólvese o azucre, o sal, o azafrán e o colorante na auga.
2 - Cólase a auga.
3 - Faise un volcán coa fariña e desmigállase a levadura no centro.
4 - Bótanse os ovos no centro do volcán de fariña e amásase todo.
5 - Vaise agregando a auga á mixtura ata que se consigue a textura da masa desexada. Ten que quedar algo máis "pringosa" que a do pan.
6 - Déixase levedar, máis ou menos 3 horas, ao sol ou ao calor da cociña, nunha tina tapada con tea, tendo moito coidado de non a mover nin destapar. Pódese poñer unha pota con auga ao lume e colocar a tina por riba.
7 - Fanse bolos coa masa e déixanse a levedar un pouco.
8 - Mentras se quenta o forno dáselle forma ás roscas, para que aínda leveden un bocadiño máis antes de enfornalas (as roscas colócanse en papel cunha pouca fariña extendida para que non se peguen).
9 - Vernízanse as roscas con ovo batido mixturado cun pouco colorante ou azafrán.
10 - O forno ha de estar menos quente que para cocer o pan. Se se coce o pan, métese este antes e, unha vez que baixa o primeiro quentor do forno, métense as roscas.
11 - Cócense 20 minutos aproximadamente.
12 - Déixanse arrefriar un pouco e disfrútanse.   

[receita] Un dóce típico: vixiga ou tripón.

Continuando coa actividade Pan&Queixo, irémosvos deixando por aquí distintas receitas e comentarios en torno á elaboración tradicional do pan e do queixo.

Hoxe toca a vixiga ou tripón.

A vixiga é un dóce típico que recibe ese nome porque tradicionalmente se usaba como continente para facelo cocido nunha pota esa parte do porco. Dende hai tempo faise no forno en latas ou en moldes de cociña.

INGREDIENTES

- Leite (un litro de leite por cada 6 ovos)

- Ovos (6 ovos por litro de leite)

- Pan de días (pan duro de días anteriores, pero tamén se pode usar pan do día; supoñemos que se facía aproveitando o pan que quedaba duro da fornada anterior)

- Azucre (unha cullerada sopeira colmada por cada ovo)

- Manteiga

PREPARACIÓN

Botamos o pan no leite para abrandalo. O pan podemos botalo xa esmigallado ou cortado en trociños ou ben esmigallalo dentro do leite. Depende do gusto de cada quen deixar que queden anaquiños de pan enteiros ou que o pan quede ben triturado.

Batimos ben os ovos e engadimos o azucre, volvendo batir ata que quede consistente a mixtura.

Unimos ambas mixturas (leite e pan con ovo e azucre) e remexemos. Opcional: engadir algún dadiño de manteiga e/ou uvas pasas.

Untamos con manteiga o molde onde vaiamos facer o dóce.

Botamos a mixtura no molde e metémolo no forno.

O dóce facíase no forno de leña, meténdoo cando o pan xa collera o primeiro quentor do forno, ao final da fornada. 

No forno eléctrico pódese poñer a 180º durante uns 40 minutos, aproximadamente. 

Compróbase que coceu introducindo un coitelo ou cando se dora por riba pero, para garantir a cocción cando o dóce é moi gordo, pódese cubrir a capa cun papel de cociña ou de aluminio para que non se torre.

O mellor é probar a facelo e aportarlle o toque persoal, segundo o gusto de cada quen.

Bo proveito!