Chamamento dende a horta

Na horta comunal de boas prácticas que o Colado do Vento temos nos Nabás (Arxemil), ademais de convidarvos a participar, estamos pensando en facer un pequeno espazo para gardarse do sol e descansar.

Así, decidimos reciclar materiais usados, e é por iso que vos precisamos. 

Se tedes bamcos, cadeiras, uralita ou un invernadoiro pequeno que non usedes, estamos encantadas de írvolos recoller.

Ademais, precisamos baldes, unha carretilla e algunha regadeira.

Xa sabedes, se tedes calquera cachivache destes que non usedes e o queredes donar, avisádenos, que volo recollemos se é por esta zona.

Ademais, a vindeira cita coa horta será previsiblemente este domingo, día 12, ás 19 horas.

coladodovento@gmail.com

Balance da horta a inicios de xuño de 2015

* A vindeira quedada será o sábado, 13 de xuño, ás 18 horas.

Xa temos todos os bancais completos, logo de poñer, o pasado sábado, máis tomateiras, pementos e algunha leituga e porro máis.

Tivemos que clarear os rabaniños, que xa están medrados, e quitarlle os cartóns protectores ás cenouras, que comezan a medrar.

Tamén van medrando as cabazas e xa poidemos recolectar framboesas, fresas, espinacas, tirabeques, rabaniños, leitugas e acelgas.

O sábado pasado, quitáronse todos os fillos da tomateiras e atáronse as plantas de tomate ás cañas. Ademais, pulverizámoslles Neem e Potasa, igual que a todos os bancais.

Tamén se limparon os camiños entre bancais e se engadiu máis palla aos bancais.

Agora, cómpre regar todo moi ben todos os días e agardar a que medren os froitos.

O vindeiro sábado, 13 de xuño, é día de freito.

Imos cribar todo o compost e plantar un semilleiro con leitugas, porros, brécol e col de Bruxelas. 

Ademais, temos que repasar que funcione todo o sistema de rego por goteo.

Crónicas da horta en maio

O sábado, 10 de maio, plantamos repolo, berenxena, chiroubea, sandía, melón e tomates.

Ademais, plantamos cenouras de dous xeitos:

- tal como se fai na agricultura biodinámica, formando un surco en V e poñendo area por riba das sementes de cenroura, e tapando sen palla, cuns cartóns para evitar malas herbas, que hai que retirar en dez días.

- ao estilo tradicional de aquí.

Logo, tocará comprobar o resultado de cada un dos sistemas.

Tamén puxemos albahaca nun pequeno invernadoiro, pois se a plantáramos directamente nos bancais costaríalle moito saír, pois debe estar a bo recaudo ben quente.

Entre as tarefas pendentes, reparar a escaleira de acceso.

O mércores, día 13, por se día de folla, plantaremos máis acelgas.

O sábado, día 16, plantaremos xudías verdes de mata baixa, pementos, berenxenas e cabazas.

Por suposto, hai que estar pendente de ir regando. E o día 20, mércores, retirar os cartóns das cenouras.

Tamén haberá horta o sábado, día 23.

* Neus, de Vilela, é a nosa asociada encargada de coordinar a horta, de acordo con Mar Sabater. Coas súas informacións facemos crónica e plan.

Mini e Mero, horta e sendeirismo

Informamos a todas as socias e socios das vindeiras actividades e da data definitiva da ruta de sendeirismo por Doade.

- sábado, 2 de maio: a Asociación "Proencia" organiza un corcerto de Mini e Mero.
Ás 7 da tarde na Casa da Cultura.
Entrada gratuíta.

- domingo, 3 de maio: xornada da horta en Arxemil.
Coma sempre, quedamos ás 6 da tarde. Este fin de semana plantaremos as cebolas.

- sábado, 9 de maio: ruta de sendeirismo Vilar de Mouros - Doade.

Quedamos ás 16:15 h na praza de Doade (fronte á Cantina) para ir cos coches a Vilar de Mouros. Dende alí, faremos a ruta de 11 km aproximadamente e, ao remate, haberá uns pinchos, para os que é preciso anotarse antes do venres 8.

Queda pendente de data a ruta polo románico de Carballedo.

Unha aperta.

Xornada de horta teórica e práctica

O domingo 26, ás 17 horas, temos xornada teórica da horta con Mar.

E logo, ás 18 h, seguimos coa limpeza de bancais e plantando leitugas, que é día de folla.

5ª xornada de horta: 11 de abril

Esta fin de semana temos unha actividade de sendeirismo poético o domingo pola mañá, pero non podemos descoidar a horta.

O domingo pasado limpamos e preparamos o bancal das cenouras e plantamos dúas melocotoeiras, ademais de regar.

Imos facer dúas quedadas, aínda que a principal é o sábado.

- sábado, día 11: ás 18 horas. 

Limpeza das herbas dos pés das framboeseiras.

- domingo, día 12: a partir das 20 horas.

Achegarémonos dúas persoas a plantar as cenouras.

O domingo xa está cuberto, non é preciso asistir.

A seguinte xornada debería ser o 26 de abril para plantar leitugas roble e trocadero e 50 puerros.

Hai que mercar as leitugas e os puerros, pero iso con vistas ao día 26.

Ademais, informámosvos que xa están listas as camisetas da horta, das cales ás persoas que traballastes e traballades na horta as tedes de agasallo; para o resto de persoas socias estarán á venta.

Horta: 5 de abril

Como esta fin de semana é a Feira do Viño,non haberá horta, así que quedaremos para o domingo 5 de abril.
 
Coma sempre, ás 16:30.

Abriremos máis bancais e plantaremos as zenouras, pois é día de raíz.
De todas formas, as de Sober podemos pasar a revisar a horta o domingo 28 pola tarde, porque habería que botarlle algo de material vexetal ao novo compost.

3ª xornada horta 2015: sábado 21 de marzo

A terceira xornada da horta consistirá en seguir limpando bancais.

Toca engadir masa vexetal ao compost que preparamos hai 15 días.

Facer o caldo de ortiga.

Como é día de folla, vanse plantar leitugas.

Quedamos o sábado 21 a partir das 16:30 h na horta de Arxemil.

Horta do día 15 de marzo de 2015

Para a segunda xornada de horta quedamos o domingo, día 15, ás 16:30 h.

- O principal do traballo do domingo é comezar coa limpeza dos bancais.

- Hai que colocar o calendario lunar e o esquema dos cultivos debaixo do depósito de auga.

- Hai que preparar o compost para telo listo para cando sexa hora de botalo.

Hai que levar uns sacos para gardalo.

- Facer o morteiro: traer dúas caixas de porexpán e area.

- Facer o té de ortiga.

Comeza a tempada de horta 2015: domingo, 8 de marzo

A primeira xornada de traballo de 2015 será o domingo, 8 de marzo, pola tarde: ás 16:30 h na horta dos Navás.
 

Se queredes participar, aparecede.
 

Máis info en coladodovento@gmail.com
 

Imos celebrar o día internacional da muller traballadora creando horta, un traballo este, o de alimentar o mundo, que é fundamentalmente feminino.

IIª Xornada de Outono na horta comunal de Arxemil (2014)

Este sábado, 12 de decembro, verémonos na horta de Arxemil ás catro e media da tarde (ás seis xa é de noite) para:

* confeccionar as rotacións na horta, aprendendo que plantas se amigan, e facer a planilla dos cultivos da horta para a tempada que vén.

* plantar fabas e tirabeques.

* plantar framboeseiras (cun enraizante feito con lentellas).

* precísanse persoas voluntarias para coidar das sementes e planificar os días para visionado de documentais sobre o método Fukuoka e a Permacultura.

Traballos na horta en outono

A xornada gastronómica na horta será o 18 de outubro.

Pero, primeiro, este sábado 11, cómpre facer:

- apañar os últimos restos da colleita.
- recoller a horta: plantas que remataron a súa vida vexetativa, canas, cintas de atar, ir preparando a hibernación coa palla...
- botar unha capa de compost, engadirlle cal e consolda.
- preparar dous camiños para plantar trebo, que fixará nitróxeno.

Música na horta: Iria Estévez e Gonzo Piña o 26 de xullo nos Nabás.

O 26 de xullo, para presentarvos a horta comunal de boas prácticas do Colado do Vento, temos un concerto de luxo: Iria Estévez e Gonzo Piña, de En Clave de Fado, ofrecerannos un concerto.

Ás 8 da tarde na horta dos Nabás o vindeiro 26 de xullo. Ide reservando a data.

Xornada horta 5 de xullo e merenda nos Chancís

Este sábado, día 5 de xullo, estaremos de novo na horta do Colado do Vento a partir das seis da tarde. 

É día de  raíz, polo que plantaremos unhas sementes de cenoura que aínda temos pendentes.

Faremos tamén un control dos bancais: pragas, limpeza, e, como non, recolleremos as leitugas, acelgas e fresas que xa estén maduras.

Este día hai unha romaría nos Chancís, polo que temos pensado achegarnos á hora da merenda para tomar alí unhas tapiñas. Xa están comprometidas para levar: unha empanada, unha tortilla e algún dáce; quen queira pode aportar outras viandas ou bebidas que tomaremos alí nos muíños a partir das oito da tarde. 

XIª xornada da horta comunal: 28 de xuño de 2014

 

Este sábado é día de flor.

Imos plantar flores.

Faremos unha capa con compost de ovella (10-15 cm) e cubrirémola con fentos.

Limparemos os bancais e vixiaremos as pragas.

Se é preciso, regaremos, e botaremos neem.

Xª xornada da horta comunal: 21 de xuño de 2014

Este sábado é día de folla: plantaremos sementes de leituga e porros, pirixel, rúcula e cilantro.

Tamén teremos leituga Batavia en plántulas.

Podedes traer calquera cousa de folla da que teñades morteiro.

Posiblemente non haberá que regar.

IX xornada da horta comunitaria: visita a unha horta en Pantón

Ás 18 horas quedamos na gasolineira de Ferreira.

Logo da visita a unha horta de boas práticas da parroquia de Santiago de Cangas, volveremos á horta de Arxemil para regar e ver que cousas precisamos facer en vindeiras xornadas.

VIII xornada da horta 2014

Este sábado, 7 de xuño, é día de raíz, polo que probaremos a plantar cenouras, colombros e brócoli.

Regaremos as plantas e faremos reparto de responsabilidades.

Tamén planificaremos dúas visitas a hortas ecolóxicas.

Vémonos ás 18 h en Arxemil!

7ª xornada da horta da tempada 2014: 31 de maio

O sábado, día de flor, volveremos á horta de Arxemil ás 18 horas para:

- facer unha comprobación xeral logo dos fríos destes días.

- limpeza de bancais e camiños, rega e outros traballos básicos.

- organizar as datas para plantar o que falte.

Horta: sábado, 17 de maio de 2014

Este sábado será día caloroso e de froito.
Algunhas das plántulas que foron plantadas este ano queimáronse polas baixas temperaturas.
Así, este sábado, faremos:
- reconto das plantas con danos e regado con "neen" para fortalecer as plantas que sobreviviron.
- prepararemos os envases "tetrabrick" para sementar cenouras, que plantaremos na horta o luns ou martes.
- limpeza de bancais.
- plantaremos feixóns.
- un novo piso do compost.