Bo Nadal e próspero 2021!

Benqueridas socias e amigas:

A Xunta Directiva da Asociación queremos, en primeiro lugar, mandarvos un saúdo e moitos ánimos neste ano tan raro de pandemia e desexar que no 2021 as cousas vaian mellor.

Con motivo da COVID 19, o Colado do Vento non puidemos desenvolver a nosa ac
tividade normal ao longo deste 2020; tentaremos convocarvos a
asemblea anual cara febreiro de 2021, sempre tendo en conta a evolución da pandemia e as normas que haxa que ter en conta para xuntanzas.

Asemade, pronto teremos un agasallo que facervos ás persoas socias (e para quen non o sodes, tamén). 

Moito ánimo e viva o noso Patrimonio!


Sesión 1ª PREHISTORIA E IDADE ANTIGA (Unidade Didáctica: Coñece o teu Concello)

 

Bifaz do monte de Lobios.

Mámoa do Alto dos Cousos, Doade.

Petróglifo da Paxota.

Petróglifo do Xestal.

Petróglifo do Barcal.

A Roda do Castro de Liñarán.

Ruta nocturna polos petróglifos de Sober con Máis que Románico (agosto de 2020)


O vindeiro día 21 de agosto, venres, o Colado do Vento apuntámonos á ruta nocturna polos petróglifos de Sober con Máis que Románico.

Sairemos ás 21 h, de Sober (diante da Oficina de Turismo).


Ruta guiada con guía especializada.

É imprescindible anotarse antes do martes 18 no número de teléfono 674473695, vía whatsapp.

A asistencia está limitada a 24 persoas (por orde de anotación no teléfono). Será gratis para persoas socias e 4 € por persoa para non socias.

Se se rebasa o número amplamente, faremos outra visita outro día para as persoas que quedaran fóra.

O desprazamento será en coches particulares.

Imprescindible seguir as normas hixiénico-sanitarias en relación á COVID, con máscara, distancia interpersoal e lavado-desinfección de mans.

Charla sobre Prisciliano en Sober (25 xaneiro)

O vindeiro sábado (25 de xaneiro) 👉🏻 Charla en Sober de Aitor Freán Campo 👨🏼‍🏫 Prisciliano e o Priscilianismo: dos feitos históricos á construción do mito.  Ás 19 h na Casa da Cultura de Sober.

2019: pequenas e modestas olladas sobre algúns aniversarios de acontecementos relevantes para Monforte de Lemos

 Foto de Colado do Vento.

Un artigo de Xosé Martínez Rodríguez. 
Fotos: Paula V. Verao.


No ano 2019 poden celebrarse moitos aniversarios de acontecementos destacados para Monforte.  
No ano 2019 pódense celebrar moitos aniversarios relacionados con acontecementos importantes na cidade de Monforte de Lemos. Os que se sinalan a continuación, pode haber evidentemente máis, abranguen dende a idade media á época contemporánea pasando pola época moderna.

 Foto de Colado do Vento.

1199 Primeira aparición do nome Monte Forte (hai 820 anos). 
Sinálase na entrada da Gran Enciclopedia Gallega que en 1199 (hai este ano 820 anos) aparece por primeira vez o nome de Monte Forte para designar a nosa poboación. En concreto as palabras da orixe sinalada autoría de Germán Vázquez relacionadas con este feito son as seguintes: “El propio Alfonso IX y su esposa reafirman, por un diploma del año 1199 la jurisdicción del cenobio (refírese ao mosteiro de S. Vicente do Pino) de Monte Forti, qui olim dicebatur Pinus sobre todas las iglesias de la villa y la prohibición de construir allí tempos a cualquiera otra orden. Más aún se exime al monasterio del tributo de jantar que obligatoriamente pagaba al monarca. En la documentación que nos ocupa aparece, por primera vez, el nombre de Monte forte para designar a nuestra población”. 

1539 construción da igrexa de S. Vicente do Pino (hai (480 anos). 
Pita Andrade na súa obra Monforte de Lemos (1952) sinala referíndose á igrexa de S. Vicente do Pino que: “En 1539 se construye la iglesia (...) Una inscripción que se encuentra en el contrafuerte exterior del crucero (lado de la Epístola) permite fechar el templo. Dice así: ESTE.TEPLO. [sic] SE COMEÇO./ANO. M. D. XXXIX. SIEN/DO. PO(N)TIFICE. PAVLO. III./ REY. DE. CASTILLA. CARLOS”. 


1619 Consagración da Igrexa do Colexio Nosa Señora a Antiga, tamén chamado do Cardeal, da Compañía ou dos Escolapios (hai catrocentos anos). 
A este respecto indica José María Lago Borstein na obra Crónicas históricas de la villa de Monforte: “A partir de las primeras décadas del siglo XVII, la explanada que discurre entre la fachada del Colegio de la Compañía y las Casas Nuevas (...) se convertiría en el punto de encuentro donde se darían cita los grandes acontecimientos de la villa de Monforte. (...) Consagración de la Iglesia del Colegio de la Compañía La fecha elegida para la organización del acto fue la del 4 de agosto de 1619 y estuvo organizada por los VII Condes de Lemos (...) Los festejos duraron cuatro intensos y calurosos días, entre el 4 y el 7 de aquel mes, concentrándose las actividades al amanecer o a la última hora, tras la caída del sol. Además de los oficios religiosos (...) se programaron varias representaciones teatrales y otros entretenimientos”.

1809 Invasións dos franceses a Monforte (hai douscentos dez anos).
 A este respecto indica Germán Vázquez na entrada Monforte da Gran Enciclopedia Gallega: “La guerra de la Independencia tuvo especial repercusión en Monforte, que fue sitiada tres veces por las tropas francesas (el 18 de enero, el 20 de abril y del 4 al 11 de junio del año 1809). Durante el primer cerco a Monforte la mayoría de las tropas francesas acaparon en tierras de O Saviñao, obligando a la justicia de Diomondi a que les hiciera acopio de provisiones. Pero los paisanos de la zona las atacaron y las forzaron a huír cruzando el río Miño por Belesar. Las dos incursiones restantes de los franceses fueron catastróficas para la ciudad pues las tropas de Soult penetraron en Monforte y cometieron toda clase de atropellos”. 

 Foto de Colado do Vento.
 
1899 hai 120 anos. Publicacións En 1899 publica Manuel Amor Meilán un libro relacionado con Monforte El secreto de una tumba. 

1919 Nace o polifacético Antón Patiño: libreiro, micólogo, escritor... (hai cen anos). 
Está relacionado polo seu casamento con Monforte de Lemos. Faleceu en 2005. Os seus descendentes continúan a destacar no eido artístico. Deixou dúas obras moi destacadas publicadas en 2005. Unha é o libro de relatos Memoria de ferro e outra o de composicións poéticas A viaxe no tempo [Monforte dos ensoños] Sería interesante aproveitando estes aniversarios vinculados a Manuel María, Antón Patiño, Hermida Balado, Germán Vázquez... estes aniversarios vinculados á palabra que pregóns, colaboracións... lembrasen estas figuras claves na cultura local. 

1929 Publicación do libro Reseña histórico descriptiva de la parroquia de Vilar de Ortelle y su comarca do crego de Vilar de Ortelle Ramón Castro López (hai 90 anos). 
Hai 90 anos publicouse este importante libro na bibliografía local onde hai importantes apuntoamentos sobre arqueoloxía, festexos, costumes... das Terras de Lemos. Imprimiuse ademáis en Monforte na imprenta de Felipe Rodríguez. 

 Foto de Colado do Vento.

1959 Ano importante para Manuel María (o seu casamento). 
Hai sesenta anos. 1959 é un ano moi importante para Manuel María. Casa en Lugo con Saleta Goi e o matrimonio instálase en Monforte, lugar onde Manuel María comeza o seu labor de procurador. 

1969 Publícanse dúas obras moi importantes na bibliografía de Monforte de Lemos da autoría de Hermida Balado e de Germán Vázquez (hai cincuenta anos). 
Páginas monfortinas de Germán Vázquez e Lemos (Pequeña historia de un lugar con mucha historia de Manuel Hermida Balado publícanse en 1969. En relación a isto coincidindo con celebracións como o Día do Libro sería interesante facer lecturas públicas de textos relacionados coa historia local mesmo combinadas con charlas para aumentar a estima da poboación local monfortina pola historia e o patrimonio da cidade, do concello e da contorna. 

 Foto de Colado do Vento.

1979 Primeiras eleccións locais na democracia. Manuel María publica As rúas do vento ceibe. (hai corenta anos). Margarita Rodríguez Otero publica Verbas esquecidas. 
En 1979 celébranse as primeiras eleccións locais en democracia. Este ano Manuel María publica un libro poético destacado dedicado á poboación máis nova. Se en 1968 saía á luz Os soños na gaiola, este ano é a quenda do libro As rúas do vento ceibe. Por outra parte a investigadora e historiadora local Margarita Rodríguez Otero, tamén escritora, publica o libro de poemas Verbas esquencidas. 

1989 Abre a Oficina de Información Turística nas Casitas da Compañía (hai trinta anos). 
Publicación de Manuela Sáez. 
 A Oficina de Información Turística abre nas Casitas da Compañía. Agora segue habendo unha Oficina Municipal de Turismo situada na rúa do Comercio, 6 onde estivo a Casa do Concello. Manuela Sáez, historiadora local, por outra parte realiza a súa tese doutoral sobre a pratería nas dioceses de Lugo, Mondoñedo, Ourense e Tui (Universidade Complutense, Madrid, 1989). 

 Foto de Colado do Vento.

1994 Libros (hai 25 anos).  
En 1994, hai 25 anos, publicouse o interesante libro de Manuel Baamonde Hermida Medio siglo de Periodismo Monfortino. 

1999. Inaugúrase o Edificio Multiusos e o CEIP Monforte. Libros. Nace a Asociación Camiños a Santiago pola Ribeira Sacra (hai vinte anos). 
Hai vinte anos inaugurouse o Edificio Multiusos e o CEIP Monforte. Tamén ese ano se publica un fermoso e interesante libro na blibliografía local: Viaxe ás terras encantadas de Lemos de Lois Diéguez. Vennos á mente unha idea que sería interesante. De igual modo que se recompilan pregóns das Festas Patronais, sería interesante que se fixese o mesmo cos pregóns da Feira do Libro, entre eles o dado por Lois Diéguez na pasada edición da Feira do Libro de Monforte de Lemos de 2018. En 1999 tamén nace a Asociación Camiños a Santiago pola Ribeira Sacra.

 Foto de Colado do Vento.

2009 Inaugúrase o Centro do Viño da Ribeira Sacra. 
En 2009 inaugúrase o Centro do Viño da Ribeira Sacra na rúa do Comercio onde estivera ata 2001 a Casa do Concello. 

O Colado do Vento organiza en xullo de 2018 tres actividades abertas á participación



O vindeiro venres, 13 de xullo, preséntase en Sober o libro Las islas lejanas, sobre a vida dun fidalgo de Quiroga, do socio do Colado do Vento Francisco Ruíz Aldereguía. O libro será presentado por outros dous socios, o editor, José María Lago, e Alfonso Campos, que conducirán un coloquio sobre a obra.

A presentación será ás 19 horas na Casa da Cultura de Sober.

O domingo 22 de xullo teremos un roteiro adicado ao escritor chantadino Xoxe Lois García. Consistirá nun roteiro circular, sinxelo, con saída ás 10 horas do Campo de Pinol, pasando pola igrexa de Pinol, por Cadeiras, Sampil, o Souto do Tellada, ou a igrexa de Lobios. A idea é afondar na poesía de Xosé Lois García que adicou a Sober.

Para o roteiro non é preciso anotarse, pero si se se desexa xantar, para o cal hai que anotarse antes do 19 de xullo.

Para rematar, o Colado do Vento organiza a undécima edición da Noite á Luz da Lúa, que este ano se celebrará na parroquia de Doade o sábado 28 de xullo. Contamos este ano, como convidados principais, co músico Luis Correa “O Caruncho” e co poeta de Chantada Rafael Lobelle, así cmo músicos de Cámara da Ensemble de Vigo.

As actividades comezarán ás 22:30 h no miradoiro da Pena do Castelo, continuando en Doade, na zona da Mamuela, rematando o acto no patio da adega Cichón. Non é preciso anotación previa.

Actividades de outono (2017)

II Xornada de Xeoloxía


Para completar a Xornada sobre a Historia Xeolóxica do Val de Lemos, Canón do Sil e Cabe, a Asociación O Colado do Vento decidiu organizar outra Xornada esta vez centrada na ribeira do RÍO MIÑO. 

Dia:  29 OUTUBRO (domingo)
Punto de encontro: ENTRADA PARQUE DOS CONDES en Monforte de Lemos.
Hora de Saída: 8:15
Hora de Finalización: aprox. 13:30 - 14:00

Planificación: Ás 9:00 deberemos estar na explanada da ADEGAS AMEDO (Chantada). Seguidamente iremos en coche a BELESAR, para facer un ROTEIRO DE SENDEIRISMO ata PINCELO, de aproximadamente 3,5 km.

Prezo: Socias Gratis / Non socias 10€

PARA ANOTARSE mandar correo a coladodovento@gmail.com ou whatsApp a 659323833

A visita basárase en explicacións sinxelas, para aficionados amateurs, coa visualización dos puntos de interese da  zona.

Visita guiada ao Castro de San Lourenzo, Cereixa


Día: 12 NOVEMBRO (domingo)
Punto de encontro: ENTRADA PARQUE DOS CONDES en Monforte de Lemos ás 10 horas /
Restaurante O Fogón, Pobra do Brollón, ás 10:30.

Andaina e visita ao proxecto arqueolóxico do Castro de San Lourenzo, na parroquia de Cereixa.

Para xantar no Fogón, logo da visita, é preciso anotarse antes do martes 7 de novembro en coladodovento@gmail.com

XIº Encontro á Luz da Lúa



Este ano 2017, o Colado do Vento celebraremos o XIº Encontro á Luz da Lúa.

Desta volta, a cita terá lugar en tres localizacións do entorno do lugar de Paradela, parroquia de Santiorxo.

A hora de quedade é as 22h.

A data, o venres, 4 de agosto.

O plan, desfrutar de música, poesía e boa compaña en tres localizacións alumeadas polo luar.

Contaremos coa amenización musical das Tanxugueiras e co poeta Paco Ledo de Chantada, ademais do que cada quen estimedes compartir.