O Colado do Vento

Encontro á luz da lúa 2024

Roteiro circular por Barantes: 4 de maio de 2024.

Ruta circular de 9,28 km pola parroquia de Barantes, pasando por camiños da ribeira.

O seu nivel de dificultade é alto.

Realizarase o sábado, 4 de maio, saíndo da Regueira (estrada xeral Sober-Doade), en Barantes, onde se deixan os coches, punto ao que se retornará ao remate da ruta.

Realizarase con pausas e explicacións.

A ruta pasa por diferentes lugares de interese paisaxístico, botánico, histórico e etnográfico.

Recoméndase roupa e calzado axeitados e levar auga e algo para picar a media mañá, así como protección solar.

Saída: 9 horas

Lugar de encontro: Lugar da Regueira (parroquia de Barantes).

Perfil da ruta e información en Wikiloc

Actividades do mes de maio de 2024

Anota datas porque o mes de MAIO vén cargado de actividade co Colado do Vento.

Sábado, 4 de maio: ruta pola ribeira de Barantes. En breve enviamos información detallada.

Domingo, 19 de maio: xornada de visitas ao Patrimonio de Carballedo, incluíndo o Pazo de Cartelos. A esta hai que anotarse; enviaremos información.

Venres, 24 de maio: Cinefórum na Casa da Cultura.

Domingo, 26 de maio: visita histórica sobre a Escola de Pinol.

#coladodovento #visitas

Percorrido histórico pola parroquia de Santiorxo

Anota na axenda.

O 16 de marzo, sábado.

Percorrido histórico pola parroquia de Santiorxo.

Iremos en coches particulares a coñecer os lugares da Casa da Lama, O Noguedo, A Somoza e a Igrexa de Santiorxo.

Saída de Sober (praza) ás 9:45h para ir ata Veliños.

A actividade dura de 10 a 14 h. Posibilidade de xantar na Cantina de Bulso anotándose previamente nos teléfonos habituais.

#OCOLADODOVENTO

Taller e proxección "Galicia Latente" en Sober

O Colado do Vento organiza un obradoiro do proxecto Galicia Latente

Será o venres, 23 de febreiro, na Casa da Cultura de Sober, ás 19 horas

O Colado do Vento organiza un obradoiro do proxecto Galicia Latente, unha iniciativa de Eduardo de Martís.

Galicia Latente é un proxecto para achegar ás persoas o valor social, económico e sustentable que atesoura a etnografía galega no presente.

O proxecto ten como base un estudo-libro homónimo de recollida e divulgación fotográfica da cultura galega (seguramente o único do presente) e as súas múltiples realidades que estamos a vivir en Galicia. Está autoeditado polo fotógrafo Eduardo de Martís e componse de 200 páxinas, 218 fotografías feitas entre os anos 2020 e 2023, ao longo de máis de 140 concellos galegos, incluído o de Sober (https://www.galicialatente.com/).

Ademais, Galicia Latente ofrece un obradoiro chamado “construíndo conciencias”, que é o que se vai celebrar en Sober.

Este taller comeza cunha presentación sobre os retos da cultura galega, continuado cunha proxección do documental Galicia Latente e logo un coloquio titulado “canta riqueza cultural hai en min?”, rematando cunha recollida de valores locais.

Agardamos que haxa debate e convidamos a todas as persoas interesadas a asistir e participar.

Este obradoiro organízao a asociación O Colado do Vento enmarcado nunha das liñas de traballo de 2024, que consiste en coñecer e concienciarse sobre o valor da nosa contorna, das súas debilidades – como a contaminación ou a desorganización territorial - e das súas potencialidades – como a cultura ou o patrimonio -. Neste caso, comezamos cunha reflexión sobre a cultura.

O proxecto Galicia Latente xa estivo presente en Santiago, no Courel, París ou San Cibrao.

Agardamos a todas as persoas interesadas a asistir a Sober, á Casa da Cultura, o venres 23 de febreiro, ás sete da tarde.

XUNTA DIRECTIVA DO COLADO DO VENTO

Andaina Pombeiro - San Cosmede (12 de marzo 2023)

Andaina entre Pombeiro e San Cosmede.

12 de marzo de 2023.

4 km (ida) / 2 horas (indo despacio).

Dificultade media-baixa, con pequenas subidas pero algo duras.

Pódese voltar a pé ou organizar deixando coches en San Cosmede; decídese o propio día.

Saída: 9 horas diante do Concello de Sober.

Calzado e roupa cómoda.

Imprescindible anotarse: 687186620 (antes do 10 de marzo).

Pola ribeira do Sil e do Cabe

Saída que organiza a Asociación Segredos de Pantón en colaboración con O Colado do Vento.

Punto e hora de encontro: domingo 4 de decembro no Concello de Sober para ir ata A Chaira; ás 9:15 horas. Por favor, puntualidade.

Poden persoas socias e non socias aportando 2€ por persoa. Visitaremos A Chaira, A Estación, A Barca e a antiga ermida de San Miguel do Canar. Son arredor de 5.5 kms. Ruta fácil de camiñar.

Despois iremos comer un churrasco a O Regato de Canaval. Apúntate ao roteiro e a xantar.

Teléfono 687 186620 (Neus).